മനസ്സ് നിറഞ്ഞ് എം ഇ എസ് തിരൂരിലെ ആയമാരും ഡ്രൈവർമാരും

തിരൂർ എം ഇ എസ് സെൻട്രൽ സ്കൂളിലെ പിയർ എഡുക്കേറ്റർസ് ലീഡർഷിപ്പ് പ്രോഗ്രാമിലെ അംഗങ്ങളായ വിദ്യാർഥികൾ മാനേജ്മെന്റിന്റെയും സ്കൂളിലെ സംഘടനയായ വി ഫോർ യുവിന്റെയും സഹകരണത്തോടെ ആയമാരെയും ഡ്രൈവർമാരെയും ആദരിക്കുന്ന ചടങ്ങു നടത്തി. ചടങ്ങിൽ കൗൺസിലിംഗ് വിഭാഗം മേധാവി ഷാലിമാ സ്വാഗതം പറഞ്ഞു. സ്കൂൾ പ്രിൻസിപ്പൽ വി പി മധുസൂദനൻ, വി ഫോർ യു സെക്രട്ടറി മുജീബ് റഹ്മാൻ, പ്രീ പ്രൈമറി മോണ്ടിസോറി മേധാവി ജ്യോതി ഗോപാൽ തുടങ്ങിയവർ ആശംസകൾ അറിയിച്ചു.സ്കൂളിലെ മുഴുവൻ ആയമാരും ഡ്രൈവർമാരും കുട്ടികളുമായി അവരവരുടെ അനുഭവങ്ങൾ പങ്കുവെയ്ക്കുകയും ഉപഹാരങ്ങൾ ഏറ്റു വാങ്ങുകയും ചെയ്തു.അധ്യാപകരായ റമീഷ, അഫ്സൽ തുടങ്ങിയവർ പരിപാടിയെ നിയന്ത്രിച്ചു.