കന്നുകാലികള്ക്ക് കുളമ്പ് – ചര്മമുഴ രോഗത്തിനെതിരെ പ്രതിരോധ കുത്തിവെപ്പിന് ജില്ലയില് തുടക്കമായി.മാറാടിയില് ഗ്രാമപഞ്ചായത്ത് പ്രസിഡന്ഡ് ഒപി ബേബി അദ്ധ്യക്ഷത വഹിച്ച യോഗത്തില് എറണാകുളം ജില്ലാ പഞ്ചായത്ത് പ്രസിഡന്ഡ് മനോജ് മൂത്തേടന് ജില്ലാതല ഉദ്ഘാടനം നിര്വ്വഹിച്ചു.കുളമ്പുരോഗ പ്രതിരോധ കുത്തിവയ്പിന്റെ അഞ്ചാംഘട്ടത്തിനും ചര്മ്മമുഴ പ്രതിരോധ കുത്തിവയ്പിന്റെ രണ്ടാംഘട്ടത്തിനുമാണു തുടക്കമായതെന്നു എഡിസിപി (മൃഗരോഗനിയന്ത്രണപദ്ധതി) ജില്ലാ കോഡിനേറ്റര് ഡോക്ടര് ബിജു ജെ ചെമ്പരത്തി അറിയിച്ചു.
ദൈനംദിന വാക്സിനേഷന് വിവരങ്ങള് ഭാരത് പശുധന് എഎച്ച്ഡി പോര്ട്ടലില് രേഖപ്പെടുത്തുമെന്നും സെപ്റ്റംബര് 13 വരെ പ്രതിരോധ കുത്തിവെപ്പ് യജ്ഞം ഉണ്ടായിരിക്കും. മുപ്പത് ദിവസത്തില് 1,18,090 കന്നുകാലികള്ക്ക് പ്രതിരോധ കുത്തിവയ്പ് നല്കും. യജ്ഞത്തിന് കേന്ദ്ര ഏജന്സി നേരിട്ടും ജില്ലാ താലൂക്ക് ബ്ലോക്ക് പഞ്ചായത്ത് തലങ്ങളിലും മോണിറ്ററിംഗ് നടത്തുമെന്നു എറണാകുളം ജില്ലാ മൃഗസംരക്ഷണ ഓഫീസര് ഡോക്ടര് ജി സജികുമാര് അറിയിച്ചു.
മൃഗം സംരക്ഷണ വകുപ്പിലെ വിദഗ്ദ്ധ പരിശീലനം ലഭിച്ചിട്ടുള്ള 157 സ്ക്വാഡുകള് ക്ഷീര കര്ഷകരുടെ വീടുകളില് എത്തി പശുക്കള്ക്കും എരുമകള്ക്കും സൗജന്യമായി വാക്സിനേഷന് നല്കുമെന്നും ക്ഷീരകര്ഷകര് ഈ അവസരം പരമാവധി പ്രയോജനപ്പെടുത്തണമെന്നും ജില്ലാ പഞ്ചായത്ത് പ്രസിഡന്റ് ഉദ്ഘാടന പ്രസംഗത്തില് അഭ്യര്ത്ഥിച്ചു
എറണാകുളം ജില്ലാ പഞ്ചായത്ത് മെമ്പര് ഉല്ലാസ് തോമസ്, ബ്ലോക്ക് പഞ്ചായത്ത് മെമ്പര്മാരായ രമ രാമകൃഷ്ണന്, ബിനി ഷൈമോന്, വൈസ് പ്രസിഡന്റ് അജി സാജു ,സ്റ്റാന്ഡിങ് കമ്മിറ്റി ചെയര്മാന്മാരായ പിപി ജോളി , ബിജു കുര്യാക്കോസ്, ജിഷ ജിജോ, കായനാട് ആപ്ക്കോസ് പ്രസിഡന്റ് ശ്രീജ ബിജു, മൃഗസംരക്ഷണ വകുപ്പ് ഡെപ്യൂട്ടി ഡയറക്ടര് ഡോ എസ് അനില്കുമാര്, മാറാടി വെറ്ററിനറി സര്ജന് ഡോക്ടര് ഷീന ജോസഫ് , മൂവാറ്റുപുഴ ADCP (മൃഗരോഗനിയന്ത്രണപദ്ധതി) താലൂക്ക് കോഡിനേറ്റര് ഡോ അജിത് കുമാര് എസ് എന്നിവര് പ്രസംഗിച്ചു.
രാജ്യത്തെ കാര്ഷിക മേഖലയ്ക്ക് പ്രതിവര്ഷം 20000 കോടിയോളം രൂപ സാമ്പത്തിക നഷ്ടം ഉണ്ടാക്കുന്ന വൈറസ് രോഗബാധയാണ് കുളമ്പുരോഗം. രോഗം ബാധിച്ച കന്നുകാലികളില് നിന്ന് മറ്റു കന്നുകാലികളിലേക്ക് നേരിട്ടോ അല്ലാതെയോ ഉള്ള സമ്പര്ക്കത്തിലൂടെ വേഗത്തില് വൈറസ് പടരും. കറവപ്പശുക്കളുടെ പാല് ഉല്പാദനം ഗണ്യമായി കുറയും മതിയായ ചികിത്സ നല്കിയില്ലെങ്കില് അനുബന്ധ അണുബാധകള് പിടിപെട്ട് രോഗം ഗുരുതരമാകാം. രോഗത്തില് നിന്ന് രക്ഷപ്പെട്ട പശുക്കള്ക്ക് പഴയ ഉദ്പാദനവും പ്രത്യുല്പാദനക്ഷമതയും വീണ്ടെടുക്കാന് ആകില്ല. ആറുമാസത്തെ ഇടവേളകളില് നല്കുന്ന പ്രതിരോധ കുത്തിവെപ്പുകളിലൂടെ മാത്രമേ കുളമ്പു രോഗത്തെ പൂര്ണമായും തടയാനാകു.
FlashNews:
‘ദൈവങ്ങളായ എന്റെ ആരാധകർക്ക് നന്ദി’ ; നന്ദി അർപ്പിച്ചു രജനികാന്ത്
ആനത്തലവട്ടം ആനന്ദൻ ചരമദിനാചരണം
രണ്ട് കിലോ കഞ്ചാവുമായി രണ്ട് ഇതര സംസ്ഥാനത്തൊഴിലാളികൾ പിടിയിൽ
തരിശു നെൽകൃഷി ഉദ്ഘാടനം ചെയ്തു
ഉപജില്ല കായിക മേള 7 മുതൽ
‘ക്ലീൻ ഗ്രീൻ മുരിയാടിന് ‘ പുല്ലൂർ പൊതുമ്പു ചിറയിൽ നിന്നും തുടക്കം
പാത്തുമ്മു അന്തരിച്ചു
സമദ് അന്തരിച്ചു
അഴീക്കോട് കടലില് കുടുങ്ങിയ 40 മത്സ്യത്തൊഴിലാളികളെ രക്ഷപ്പെടുത്തി
തിരൂരിൽ ഗതാഗത നിയന്ത്രണം
സബ് ജില്ലാ ശാസ്ത്രോത്സവം : ലോഗോ പ്രകാശനം ചെയ്തു
മലപ്പുറം പരാമർശം:വിഭാഗീയതക്ക് തീ കൊടുത്ത് നാടിന്റെ സ്വാസ്ഥ്യം കെടുത്തരുത്:കെ എൻ എം
കലാഭവൻ മണി സ്മാരകനിർമ്മാണം ഉടൻ പൂർത്തിയാക്കും
സാദിഖലി ശിഹാബ് തങ്ങളും ഹാരിസ് ബീരാൻ എം.പി യും അമേരിക്കൻ പര്യടനത്തിന്
ബാപ്പുട്ടി ഹാജി അന്തരിച്ചു
ജില്ലയില് ടിപ്പര് ലോറികള്ക്ക്ഗതാഗത നിയന്ത്രണം
ഇന്നോക്സ് ബിൽഡർക്കെതിരെ ഉപഭോക്തൃ കോടതി
ഒരു കൊച്ചു സ്വപ്നത്തിന് ചിറകുമായി കളക്ടറെ കാണാന് അവരെത്തി
കൊടകര: സംസ്ഥാനത്തെ ആദ്യ ഡിജിറ്റല് ബ്ലോക്ക് പഞ്ചായത്ത്
പ്രാദേശികം
കന്നുകാലികള്ക്കു കുളമ്പ്- ചര്മമുഴരോഗ കുത്തിവയ്പിന് ജില്ലയില് മാറാടിയില് തുടക്കം
by Sreekumar
August 7, 2024August 7, 2024
Leave a Reply