ലാബ് കെമിസ്റ്റ് കോഴ്സിന് അപേക്ഷിക്കാം

വ്യവസായ വാണിജ്യ വകുപ്പിന് കീഴില്‍ പ്രവര്‍ത്തിക്കുന്ന മഞ്ചേരി കോമൺ ഫെസിലിറ്റി സർവ്വീസ് സെന്ററിൽ നടത്തുന്ന ലാബ് കെമിസ്റ്റ് (റബ്ബര്‍) സർട്ടിഫിക്കറ്റ് കോഴ്സിലേക്ക് പ്രവേശനത്തിന് അപേക്ഷിക്കാം. ദേശീയ അംഗീകാരമുള്ള ഈ കോഴ്സിന്റെ ദൈര്‍ഘ്യം ഒരു മാസമാണ്. കെമിസ്ട്രി മെയിൻ, സബ്‌സിഡറി വിഷയത്തിൽ ബിരുദം യോഗ്യതയുള്ളവർക്ക് അപേക്ഷിക്കാം. ആറായിരം രൂപയാണ് കോഴ്സ് ഫീ. താൽപര്യമുള്ളവർക്ക് സ്ഥാപനത്തിൽ നേരിട്ടോ, adcfscmanjeri@gmail.com എന്ന ഇ-മെയിൽ വഴിയോ, 9846141688, 0483-2768507 എന്നീ ഫോൺ നമ്പറുകളിലോ ബന്ധപ്പെടാം.