പെനാൽറ്റി ഷൂട്ടൗട്ടിൽ സ്ലൊവേനിയയെ തോൽപ്പിച്ച് പോർച്ചുഗൽ ക്വാർട്ടറിലെത്തി.

ബെര്‍ലിന്‍: 2024 യൂറോ കപ്പില്‍ പോര്‍ച്ചുഗല്‍ ടീം ക്വാര്‍ട്ടര്‍ ഫൈനലില്‍ കയറിക്കൂടി. പ്രീക്വാര്‍ട്ടറില്‍ സ്ലൊവേനിയയെ കീഴടക്കിയാണ് ടീം ക്വാര്‍ട്ടര്‍ സ്ഥാനം ഉറപ്പിച്ചത്. നിശ്ചിത സമയത്തും തുടന്ന് കിട്ടിയ എക്സ്ട്രാ ടൈമിലും ഗോളുകള്‍ വഴങ്ങാതെ ഇരു ടീമുകളും പിടിച്ചു നിന്നു.കളിക്കിടയില്‍ ലഭിച്ച നിര്‍ണ്ണായക പെനാല്‍ട്ടി റൊണാള്‍ഡോ പാഴാക്കിയെങ്കിലും മത്സരത്തിനൊടുവില്‍ ഷൂട്ടൗട്ടിലൂടെയാണ് പോര്‍ച്ചുഗല്‍ വിജയം പിടിച്ചെടുത്തത്.ജൂലൈ 6 ന് നടക്കുന്ന ക്വാര്‍ട്ടറില്‍ കിലിയൻ എംബാപ്പെ നയിക്കുന്ന ഫ്രഞ്ച് പടയെയാണ് പറങ്കികള്‍ നേരിടേണ്ടത്.(PC:https://www.uefa.com/euro2024/)