അങ്കമാലി ഫെസ്റ്റിന് വർണ്ണാഭമായ തുടക്കം

അങ്കമാലി : കർഷക കൂട്ടായ്മയും സൂം പ്ലസ് ഇവന്റ്സും സംയുക്തമായി നടത്തുന്ന അങ്കമാലി ഫെസ്റ്റിന് തുടക്കമായി. നാസ് ഓഡിറ്റോറിയം വേദിയാക്കി ഒരുക്കിട്ടുള്ള ഫെസ്റ്റ് ഡിസംബർ 2 വരെ നടക്കുമെന്ന് സംഘാടകർ അറിയിച്ചു. സിനിമാനടനും മേക്കപ്പ് മാനുമായ രാജീവ് അങ്കമാലിയാണ് പ്രോഗ്രാം കോഡിനേറ്റർ.*

ഫെസ്റ്റ് ഉദ്ഘാടനം അങ്കമാലി നഗരസഭ ഡെപ്യൂട്ടി ചെയർപേഴ്സൺ സിനി മനോജ് നിർവഹിച്ചു. ചടങ്ങിൽ മുൻമന്ത്രി അഡ്വ. ജോസ് മുഖ്യാതിഥിയായിപങ്കെടുത്തു. നഗരസഭ കൗൺസിലർ മാരായ പോൾ ജോവർ , ബാസ്റ്റിൻ ഡി. പാറയ്ക്കൽ , റീത്താ പോൾ, മാർട്ടിൻ ബി. മുണ്ടാടന്‍ , ലിസി പോളി , ലില്ലി ജോയ് , ഫെസ്റ്റ് സംഘാടകരായ നിക്സൺ സി.റാഫേൽ , രഞ്ജിത്ത് ചന്ദ്രൻ തുടങ്ങിയവർ സന്നിഹിതരായിരുന്നു.

ഫെസ്റ്റിന്റെ ഭാഗമായി ഫുഡ്കോർട്ട് , ഗൃഹോപകരണങ്ങൾ , ഗ്രന്ഥശേഖരം തുടങ്ങി മുപ്പതോളം സ്റ്റാളുകൾ ക്രമീകരിച്ചിട്ടുണ്ട്.

രാവിലെ 11 മുതൽ രാത്രി 9 വരെ സൗജന്യമായാണ് പ്രദർശനം ഒരുക്കിയിട്ടുള്ളത്.