എട്ടാം നൂറ്റാണ്ടിനും പതിനാറാം നൂറ്റാണ്ടിനും ഇടയിലുള്ള മധ്യകാല ഇസ്ലാം ശാസ്ത്രത്തിന്റെ ചരിത്രത്തിലെ നിര്‍ണായകമായ കാലഘട്ടമായിരുന്നു. അബ്ബാസിദ് ഖലീഫമാരുടെ ഭരണത്തില്‍ അറേബ്യ ലോകത്തിന്റെ വ്യാപാര കേന്ദ്രമായി മാറി. ഇന്ത്യയും, ചൈനയും യൂറോപ്പും അറേബ്യയുമായി വ്യാപാര ബന്ധത്തിലേര്‍പ്പെട്ടു. പത്താം നൂറ്റാണ്ട് ആയപ്പോഴേക്കും ബാഗ്ദാദ് ലോകത്തിലെ തന്നെ ഏറ്റവും വലിയ നഗരമായി മാറി. സില്‍ക്ക് റൂട്ടിലൂടെ ലോകത്തിലെ എല്ലാ സംസ്‌കാരങ്ങളും ഉല്‍പ്പന്ന സേവനങ്ങളും ബാഗ്ദാദിലെക്ക് ഒഴുകി. ആഗോളവല്‍ക്കരണത്തിന്റെ ആദ്യമാതൃകകളില്‍ ഒന്നായിരുന്നു അത്. എല്ലാവിധത്തിലും സുവര്‍ണകാലഘട്ടം.