കടലാക്രമണ ഭീഷണി; ജില്ലാ കളക്ടർമാർക്ക് പ്രത്യേക ജാഗ്രത നിർദേശം

തിങ്കളാഴ്ച്ച രാത്രി 11.30 വരെയുള്ള സമയത്ത് പൊഴിയൂർ മുതൽ കാസർഗോഡ് വരെയുള്ള കേരള  തീരത്ത് 3.5 മുതൽ 3.8 മീറ്റർ വരെ ഉയരത്തിൽ തിരമാലക്ക് സാധ്യതയുണ്ടെന്ന് ദേശീയ സമുദ്ര സ്ഥിതി പഠന കേന്ദ്രം (INCOIS) അറിയിച്ചു.  മുന്നറിയിപ്പിന്റെ പശ്ചാത്തലത്തിൽ തീരദേശ ജില്ലകളിൽ പ്രത്യേക ജാഗ്രത പാലിക്കണംകടലാക്രമണ/തീരശോഷണ ഭീഷണി നിലനിൽക്കുന്ന തീരങ്ങളിൽ അപകടസാധ്യത മുന്നിൽ കാണുന്നവരെ ദുരിതാശ്വാസ ക്യാമ്പുകളിലേക്ക് മാറ്റേണ്ടതാണ്. കോവിഡ് 19 മാനദണ്ഡങ്ങൾ പാലിച്ചു കൊണ്ടും ദുരന്ത നിവാരണ അതോറിറ്റിയുടെ ഓറഞ്ച് ബുക്ക് 2020 ലെ നിർദേശങ്ങൾക്ക് അനുസൃതമായിട്ടും ആയിരിക്കണം ദുരിതാശ്വാസ ക്യാമ്പുകൾ സജ്ജീകരിക്കേണ്ടത്.കടലാക്രമണം രൂക്ഷമാകുന്ന പ്രദേശങ്ങളിൽ കടലിനോട് ചേർന്ന് അപകട ഭീഷണി നിലനിൽക്കുന്ന  രാത്രി സമയങ്ങളിൽ വീടുകളിൽ ആളുകൾ കഴിയുന്ന സാഹചര്യം ഒഴിവാക്കണംതാൽക്കാലിക പരിഹാര നടപടികൾ സ്വീകരിക്കാൻ ജലസേചന വകുപ്പിനും തദ്ദേശ സ്ഥാപനങ്ങൾക്കും നിർദേശം നൽകണംമൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കുന്നതിന്  ജനങ്ങൾക്ക് അറിയിപ്പ് നൽകണം.