കുന്നംകുളം ബഥനി സ്കൂളിനെതിരെ കേസ്

ലോക്ക് ഡൗൺ ലംഘിച്ച് ഒന്നാം ക്ലാസ് പ്രവേശന പരീക്ഷ നടത്തിയ സ്വകാര്യ സ്‌കൂളിനെതിരെ കേസ്. കുന്നംകുളം ബഥനി ഇംഗ്ലിഷ് മീഡിയം സ്‌കൂളിനെതിരെയാണ് പൊലീസ് കേസെടുത്തത്. സ്‌കൂൾ മാനേജ്‌മെന്റ്, അധ്യാപകർ, രക്ഷിതാക്കൾ എന്നിവർക്കെതിരെയും കേസെടുത്തിട്ടുണ്ട്.

24 വിദ്യാർഥികളാണ് പരീക്ഷ എഴുതാനായി രക്ഷിതാക്കൾക്കൊപ്പം എത്തിയത്. ഇവരിൽ പലരും മാസ്‌ക് പോലും ധരിക്കാതെയാണ് എത്തിയതെന്നാണ് റിപ്പോർട്ട്. എന്നാൽ സാമൂഹിക അകലം പാലിച്ചാണ് പരീക്ഷ നടത്തിയതെന്നാണ് സ്‌കൂൾ മാനേജ്‌മെന്റ് പറയുന്നത്.