1470-490

കോട്ടക്കലിൽ 300 കിലോ മാമ്പഴം നശിപ്പിച്ചു

കോട്ടക്കൽ :- തമിഴ്നാട്ടിൽനിന്നും രാസവസ്തുക്കൾ ചേർത്ത് കോട്ടക്കലിൽ എത്തിച്ച മുന്നൂറോളം കിലോ മാമ്പഴം ഭക്ഷ്യസുരക്ഷാവകുപ്പ് പിടിച്ചെടുത്തു നശിപ്പിച്ചു. സ്ഥാപനത്തിനെതിരെ പിഴ ചുമത്തുകയും ചെയ്തു. സംസ്ഥാന ഭക്ഷ്യസുരക്ഷാ കമ്മീഷണറുടെ നിർദ്ദേശപ്രകാരം പഴം-പച്ചക്കറി വ്യാപാര സ്ഥാപനങ്ങൾ കേന്ദ്രീകരിച്ച് പരിശോധന നടത്തുന്നതിനായി നിയോഗിച്ച സ്പെഷ്യൽ സ്ക്വാഡ് ആണ് സ്ഥാപനത്തിനെതിരെ നടപടി സ്വീകരിച്ചത്. മാമ്പഴത്തിന്റെയും പഴുപ്പിക്കാൻ ഉപയോഗിച്ച രാസവസ്തുവിന്റെയും സാമ്പിളുകൾ ശേഖരിച്ച് പരിശോധനയ്ക്കായി കോഴിക്കോട് റീജനൽ അനലറ്റിക്കൽ ലാബിൽ അയച്ചു. മലപ്പുറം ഭക്ഷ്യസുരക്ഷാ കമ്മീഷണർ ജി ജയശ്രീ പരിശോധനയ്ക്ക് നേതൃത്വം നൽകി. ഭക്ഷ്യസുരക്ഷാ ഓഫീസർമാരായ ശ്രീമതി ദീപ്തി യു. എം, ശ്രീ ഷിബു എസ്, ശ്രീമതി ദിവ്യ ദിനേശ് എന്നിവർ പരിശോധനയിൽ പങ്കെടുത്തു. റംസാൻ വിപണി ലക്ഷ്യമാക്കി മാരകമായ അളവിൽ രാസവസ്തുക്കൾ ചേർത്ത് കൃത്രിമമായി പഴങ്ങൾ പഴുപ്പിച്ച് വിതരണം ചെയ്യുന്ന സ്ഥാപനങ്ങൾക്കെതിരെ വരും ദിവസങ്ങളിലും കർശനമായ നടപടി സ്വീകരിക്കുമെന്ന് ഭക്ഷ്യസുരക്ഷാ അസിസ്റ്റന്റ് കമ്മിഷണർ അറിയിച്ചു.

Comments are closed.

x

COVID-19

India
Confirmed: 44,277,711Deaths: 527,098