കർഷകർക്ക് കർണ്ണാടക മോഡൽ ആനുകൂല്യം പ്രഖ്യാപിക്കണം: ബി.ജെ.പി

കെ.പത്മകുമാർ കൊയിലാണ്ടി

കൊയിലാണ്ടി: കോവിഡ് കാലത്ത് ദുരിതമനുഭവിക്കുന്ന കർഷകരെ രക്ഷിക്കാൻ കർണ്ണാടക സർക്കാർ നടപ്പിലാക്കുന്ന തരത്തിലുള്ള കാർഷിക പദ്ധതികൾ കേരളത്തിൽ നടപ്പിലാക്കാൻ സംസ്ഥാന സർക്കാർ തയ്യാറാവണമെന്ന് ബി.ജെ.പി കോഴിക്കോട് ജില്ലാ പ്രസിഡണ്ട് അഡ്വ: വി കെ.സജീവൻ ആവശ്വപ്പെട്ടു. പലിശരഹിത വായ്പ നൽകിയും, ഇരുപത്തി അയ്യായിരം രൂപ വരെ സാമ്പത്തിക സഹായവുമാണ് കർണ്ണാടക സർക്കാർ പ്രഖ്യാപിച്ചത്. ഇത് കേരളം മാതൃകയാക്കണം.പ്രധാൻമന്ത്രി കിസാൻ സമ്മാൻ പദ്ധതി തുകയല്ലാതെ ഒരു നയാ പൈസ്സ കോവിഡ് ദുരിതത്തിൽ സംസ്ഥാനത്ത് കർഷകന് ലഭിച്ചിട്ടില്ലെന്നും അഡ്വ.സജീവൻ കുറ്റപ്പെടുത്തി. പ്രകൃതിക്ഷോഭ ദുരിതാശ്വാസ ഫണ്ട് ഉടൻ നൽകുക, കാർഷിക കടം എഴുതിതള്ളുക, പലിശരഹിത വായ്പ നൽകുക, കാർഷിക ഉൽപ്പന്ന വിലയിടിവ് തടയുക തുടങ്ങിയ ആവശ്വങ്ങൾ ഉന്നയിച്ച് കർഷകമോർച്ച ജില്ല കമ്മിറ്റി കലക്ട്രേറ്റിന് മുന്നിൽ നടത്തിയ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കർഷകമോർച്ച ജില്ലാ പ്രസിഡണ്ട് പി.പി.മുരളി അദ്ധ്യക്ഷത വഹിച്ചു. ബി.ജെ. പി ജില്ല ജനറൽ സിക്രട്രി എം.മോഹനൻ മാസ്റ്റർ, കർഷകമോർച്ച സംസ്ഥാന ജനറൽ സിക്രട്രി കെ.ടി.വി ബിൻ, സംസ്ഥാന സിക്രട്രി കെ.കെ.രജിഷ്, ബി.ജെ.പി ജില്ല സിക്രട്രി ടി. ചക്രായുധൻ തുടങ്ങിയവർ സം സാരിച്ചു. ലോക്ക് ഡൗൺ നിയമങ്ങൾ പാലിച്ചായിരുന്നു സമരം.