1470-490

കേരളം മോശമെന്ന് ബിജെപി

മുഖ്യമന്ത്രി പിണറായി വിജയനെതിരെ രൂക്ഷവിമര്‍ശനവുമായി ബിജെപി കേന്ദ്ര നേതൃത്വം. കൊവിഡ് പ്രതിരോധത്തില്‍ സര്‍ക്കാര്‍ തീര്‍ത്തും പരാജയമാണെന്നും കേരളത്തിലെ സ്ഥിതി ആശങ്കാജനകമെന്നും ബിജെപി ആരോപിച്ചു. ബിജെപി ദേശീയ സംഘടനാ സെക്രട്ടറി ബിഎല്‍ സന്തോഷാണ് മുഖ്യമന്ത്രി പിണറായി വിജയനെതിരെ രംഗത്തെത്തിയത്.

മുഖ്യമന്ത്രി പിണറായി വിജയനും കേന്ദ്രമന്ത്രി വി മുരളീധരനും തമ്മിലുള്ള വാക്പോരിന്റെ തുടര്‍ച്ചയായാണ് ബിജെപി കേന്ദ്ര നേതൃത്വത്തിന്റെ രംഗപ്രവേശം. പിണറായി വിജയനെതിരെ രൂക്ഷവിമര്‍ശനമാണ് ബിജെപി ദേശീയ സംഘടനാ സെക്രട്ടറിയുടെ ഭാഗത്തു നിന്നുണ്ടായത്. കൊവിഡ് പ്രതിരോധത്തില്‍ വലിയ പാളിച്ചകളാണ് സംസ്ഥാനത്ത് സംഭവിച്ചത്. സര്‍ക്കാരിന്റെ വീഴ്ച മൂലം സംസ്ഥാനം ഏതാണ്ട് പൂര്‍ണമായും റെഡ് സോണിലാണ്. അയല്‍ സംസ്ഥാനങ്ങളെ അപേക്ഷിച്ച് കോവിഡ് പരിശോധന സംസ്ഥാനത്ത് കുറവാണെന്നും ബിഎല്‍ സന്തോഷ് ഫേസ്ബുക്കിലൂടെ ആരോപിച്ചു.

Comments are closed.

x

COVID-19

India
Confirmed: 34,108,996Deaths: 452,651