എക്സെെസിന്റെ വൻ ചാരായ വേട്ട; 4 പേർ പിടിയിൽ

ബാലുശ്ശേരി:
എക്സൈസ് ഐ.ബിയും ബാലുശ്ശേരി റെയിഞ്ചും സംയുക്തമായി നടത്തിയ റെയിഡിൽ അത്തോളി കോതങ്കൽ ദേശത്ത് മയങ്ങിച്ചാൽ ഭാഗത്ത് ആൾ താമസമില്ലാത്ത വീട്ടിൽ വച്ച് വൻതോതിൽ ചാരായം വാറ്റ് നടത്തിയ നാല് പേരെ പിടികൂടി. കോതങ്കൽ തെക്കെക്കുടിയിൽ വിനോദ് (4 3),പണിക്കരുക്കണ്ടി പ്രകാശൻ (56), ചന്ദ്രൻ ( 51) ,മയങ്ങിച്ചാലിൽ മോഹൻദാസ് (53) എന്നിവരാണ് ബാലുശ്ശേരി എക്സൈസ് സംഘം അറസ്റ്റ് ചെയ്തത്.തൊണ്ടിയായി 20 ലിറ്റർ ചാരായം100 ലിറ്റർ വാഷ് 50 ലിറ്റർ സ്പെൻഡ് വാഷ് വാറ്റുപകരണങ്ങൾ എന്നിവ കസ്റ്റഡിയിലെടുത്തു.

ബാലുശ്ശേരി റെയിഞ്ച് പി.ഒ.സി കെ ബാബുരാജൻ, കോഴിക്കോട് ഐ ബിയിലെ പി.ഒ. മാരായ വി പ്രജിത്ത് , ചന്ദ്രൻ കുഴിച്ചാലിൽ റെയിഞ്ചിലെ സി.ഇ.ഒമാരായ ടി ഷിജു, നൈജീഷ്, ഇ എം ഷാജി, ആർ വിപിൻ, വി എസ് സുമേഷ്, വനിത സി ഇ ഒ ബി എൻ ഷൈനി എന്നിവരടങ്ങിയ സംഘമാണ് കേസെടുത്തത്.
പടം: ബാലുശ്ശേരി എക്സെെസ് സംഘത്തിന്റെ പിടിയിലായ വിനോദ്, പ്രകാശൻ, ചന്ദ്രൻ , മോഹൻദാസ് എന്നിവരും പിടിച്ചെടുത്ത വാറ്റുപകരണങ്ങളും .