മണലിപ്പുഴയില്‍ മത്സ്യങ്ങള്‍ കൂട്ടത്തോടെ ചത്തു പൊന്തി
പുഴയില്‍ ഗന്ധകം കലര്‍ത്തിയെന്ന് ആരോപണം
മണലി പാലം മുതല്‍ എറവക്കാട് ഷട്ടര്‍ വരെയുള്ള ഭാഗങ്ങളിലാണ് മത്സ്യങ്ങള്‍ ചത്ത നിലയില്‍ കണ്ടെത്തിയിട്ടുള്ളത്. ഇന്നലെ വൈകീട്ടോടെയാണ് മീനുകള്‍ ചത്തു തുടങ്ങിയത്. വ്യാഴാഴ്ച രാവിലെയായപ്പോഴേയ്ക്കും ആയിരക്കണക്കിന് മീനുകളാണ് ചത്ത് പൊന്തിയത്. കൂറെയേറെ മത്സ്യങ്ങള്‍ ചാവാറായ നിലയിലാണ്. നാടന്‍ ഇനത്തില്‍ പെട്ട മത്സ്യങ്ങളാണ് ഭൂരിഭാഗവും ചത്ത് പൊന്തിയിരിക്കുന്നത്. പുഴയില്‍ ഗന്ധകം കലക്കിയതാണ് മത്സ്യങ്ങള്‍ ചത്ത് പൊന്താന്‍ കാരണമെന്ന് പറയുന്നു. കഴിഞ്ഞ ദിവസം എറവക്കാട് ഷട്ടര്‍ തുറന്നത് മൂലം പുഴയില്‍ വെള്ളം കുറവായിരുന്നു. ഈ സാഹചര്യം നോക്കി വിഷം കലര്‍ത്തി മീന്‍ പിടിക്കാനുള്ള ശ്രമമാണ് നടന്നതെന്ന് കരുതുന്നു. പുഴയുടെ ആവാസ വ്യവസ്ഥയെ നശിപ്പിക്കുന്ന തരത്തില്‍ മത്സ്യങ്ങളെ കൊന്നുടുക്കിയിവര്‍ക്കെതിരെ നടപടിയെടുക്കണമെന്നാണ് നാട്ടുകാരുടെ ആവശ്യം.
Comments are closed.