കേബിൾ ഓപ്പറേറ്റേഴ്സ് അസോസിയേഷൻ ധനസഹായം നൽകി

കോവിഡിനെതിരായ പ്രതിരോധ പ്രവർത്തനങ്ങൾക്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് കേബിൾ ഓപ്പറേറ്റേഴ്സ് അസോസിയേഷൻ തൃശൂർ ജില്ലാ കമ്മിറ്റിയുടെയും തൃശൂർ കേരളാ വിഷന്റേയും ധനസഹായം തൃശൂരിൽ കൈമാറി. സി.ഒ.എ. ജില്ലാ കമ്മിറ്റിയുടെ ധനസഹായം പ്രസിഡന്റ് അമ്പലപ്പാട്ട് മണികണ്ഠൻ മന്ത്രി എ.സി.മൊയ്തീന് കൈമാറി. ജില്ലാ സെക്രട്ടറി പി.ആന്റണി, ട്രഷറർ ടി.വി.വിനോദ്കുമാർ, എക്സിക്യൂട്ടീവ് കമ്മിറ്റിയംഗം സി.എ.ബൈജു എന്നിവർ സന്നിഹിതരായിരുന്നു. തൃശൂർ കേരളാവിഷന്റെ ധനസഹായം ചെയർമാൻ വി.പി.ബിജു, മാനേജിംഗ് ഡയറക്ടർ പി.ബി.സുരേഷ് എന്നിവരിൽ നിന്ന് മന്ത്രി എ.സി.മൊയ്തീൻ ഏറ്റുവാങ്ങി.