1470-490

ഇസ്ലാം വിരുദ്ധത വച്ചു പൊറുപ്പിക്കില്ല

സാമൂഹ മാധ്യമങ്ങളിലൂടെ ഇസ്ലാം വിരുദ്ധത പരത്തുന്നവർക്കെതിരെ കർശന നടപടിയെടുക്കുമെന്ന മുന്നറിയിപ്പുമായി യുഎഇ രാജകുടുംബാംഗം. രാജകുമാരി ഹെന്ത് അൽ ഖാസിമിയാണ് സമൂഹമാധ്യമങ്ങളിലൂടെയുള്ള ഇസ്ലാം വിരുദ്ധതക്കെതിരെ മുന്നറിയിപ്പ് നൽകിയത്. ഇന്ത്യൻ വംശജനായ സൗരഭ് ഉപാധ്യായ് എന്നയാൾ പങ്കുവച്ച ചില ട്വീറ്റുകൾപങ്കുവച്ചു കൊണ്ടാണ് ഹെന്ത് ഇസ്ലാമോഫോബിയക്കെതിരെ രംഗത്തെത്തിയത്.

ഡൽഹിയിൽ നടന്ന തബ്‌ലീഗി ജമാഅത്ത് പരിപാടിയുമായി ബന്ധപ്പെടുത്തി കൊവിഡ് 19 വൈറസ് ബാധയുടെ പശ്ചാത്തലത്തിൽ മുസ്ലിം വിഭാഗത്തെ ഒന്നടങ്കം അവഹേളിക്കുന്ന തരത്തിലുള്ള ട്വീറ്റുകളാണ് സൗരഭ് തൻ്റെ ട്വിറ്റർ ഹാൻഡിലിൽ പങ്കുവച്ചിരുന്നത്. ഇന്ത്യയിലെ കൊറോണ വ്യാപനത്തിന് തബ്‌ലീഗി ജമാഅത്ത് പ്രവർത്തകരാണ് കാരണം എന്ന തരത്തിലുള്ളതാണ് ട്വീറ്റുകൾ. വൈറസ് പരത്തുന്നതിനായി മുസ്ലീങ്ങൾ ഭക്ഷണത്തിൽ തുപ്പുന്നു എന്ന ആരോപണവും ഇയാൾ ഉയർത്തുന്നു. ഈ ട്വീറ്റുകളുടെയൊക്കെ സ്ക്രീൻ ഷോട്ടുകൾ പങ്കുവച്ചു കൊണ്ടാണ് യുഎഇ ഭരണകുടുംബാംഗത്തിന്റെ മുന്നറിയിപ്പ്.

Comments are closed.