ചീട്ടുകളി സംഘത്തെ കുന്നംകുളം പോലീസ് അറസ്റ്റ് ചെയ്തു.

കുന്നംകുളം :വെള്ളിത്തിരുത്തിയിൽ  സ്വകാര്യ വ്യക്തിയുടെ വീടിനുള്ളിൽ പണം വെച്ച് ചീട്ടു കളിച്ചിരുന്ന അഞ്ചംഗ സംഘത്തിനെ കുന്നംകുളം സ്റ്റേഷൻ ഹൗസ് ഓഫീസർ കെ.ജി.സുരേഷിന്റെ നേതൃത്വത്തിൽ അറസ്റ്റ് ചെയ്തു. വെള്ളിത്തിരുത്തി സ്വദേശികളായ വലിയവളപ്പിൽ സുബ്രമണ്യൻ (48)  പൂവത്തൂർ സജീഷ് (35), പഴമാക്കിൽ പ്രശാന്ത് (35) , കണ്ടിരുത്തി സുധീർ (43), മുതിരംപറമ്പത്ത് സുരേഷ് (36) എന്നിവരാണ് കുന്നംകുളം അറസ്റ്റിലായത്. സബ്ബ് ഇൻസ്പെക്ടർ ഇ.ബാബു.  സീനിയർ സിവിൽ പോലീസ് ഓഫീസർ ഓമന, സി.പി. ഒ. ഷെജീർ എന്നിവർ ചേർന്നാണ് പ്രതികളെ അറസ്റ്റ് ചെയ്തത്. പ്രതികളിൽ  നിന്ന് 10250 രൂപയും പിടിച്ചെടുത്തു.