റീമിക്സുകാരുടെ കഞ്ഞി കുടി മുട്ടിയേക്കും

റീ‌‌‌‌മിക്സ് ഗാനങ്ങൾക്കെതിരെ രൂക്ഷ വിമർശനമായി ബോളിവുഡ് ഗാനരചയിതാവായ സമീർ അഞ്ജാൻ.പാട്ടുകളുടെ പുതിയ പതിപ്പുകൾ റീമിക്സുകൾ എന്ന പേരിൽ ഇറക്കുമ്പോൾ ഗാനത്തിന്റെ യഥാർത്ഥ നിർമാതാക്കളുടെ അനുവാദം വാങ്ങുന്നില്ലെന്നും കൂടാതെ വേണ്ട വിധത്തിൽ പ്രസിദ്ധീകരിക്കുന്നില്ലെന്നും അദ്ദേഹം വ്യക്തമാക്കി. ഇതിനെ നിയമപരമായി നേരിടാൻ കോടതിയെ സമീപിക്കണം എന്നാണ് അദ്ദേഹത്തിന്റെ വാദം. ഇന്ത്യടുഡോയ്ക്ക് നൽകിയ അഭിമുഖത്തിലാണ് ഇക്കാര്യം വ്യക്തമാക്കിയിരിക്കുന്നത്. അദ്ദേഹം ഇക്കാര്യങ്ങളെ കുറിച്ച് ഗാനരചയിതാവും ഇന്ത്യൻ പെർഫോമിങ് റൈറ്റ് സൊസൈറ്റിയുടെ ചെയർമാനുമായ ജാവേദ്‌അക്തറിനോട് സംസാരിച്ചു എന്നും സമാനമായ നിലപാടാണ് അദ്ദേഹത്തിന് ഉള്ളതെന്നും ഗാനരചയിതാവ് പറഞ്ഞു.