അയിനൂർ ലക്ഷം വീട് കുടിവെള്ള പദ്ധതി യാഥാർത്ഥ്യമായി

ചൊവ്വന്നൂർ ബ്ലോക്ക് പഞ്ചായത്ത് 2018- 20 ജനകീയാസൂത്രണ പദ്ധതിയിൽ ഉൾപ്പെടുത്തി കാട്ടകാമ്പാൽ ഗ്രാമ പഞ്ചായത്തിലെ അയിനൂർ ലക്ഷം വീട് കോളനിയിൽ നിർമിച്ച കുടിവെള്ള പദ്ധതി നാട്ടുകാർക്കു സമർപ്പിച്ചു. 50 ഓളം കുടുംബങ്ങൾക്ക് കുടിവെള്ളം ലഭിക്കുന്ന പദ്ധതി തദ്ദേശ സ്വയം ഭരണ വകുപ്പു മന്ത്രി എ സി മൊയ്തീൻ ഉദ്ഘാടനം ചെയ്തു. ചൊവ്വന്നൂർ ബ്ലോക്ക് പഞ്ചായത്ത് പ്രസിഡന്റ് എ വി സുമതി അധ്യക്ഷത വഹിച്ചു.

കാട്ടകാമ്പാൽ ഗ്രാമ പഞ്ചായത്ത് പ്രസിഡന്റ് സി കെ സദാനന്ദൻ മുഖ്യാതിഥിയായി. ചൊവ്വന്നൂർ ബ്ലോക്ക് പഞ്ചായത്തംഗം പി കെ കൗസല്യ, കാട്ടകാമ്പാൽ ഗ്രാമ പഞ്ചായത്ത് വൈസ് പ്രസിഡന്റ് സുജിനി ബാബുജി, വാർഡ് മെമ്പർ പത്മിനി ശശിധരൻ തുടങ്ങിയവർ പങ്കെടുത്തു.